کراچی : سابق وزیر خزانہ اور رہنما مسلم لیگ (ن)مفتاح اسماعیل نے کہا ہے کہ میری نظر میں کوئی پلان بی نہیں ہوتا، آئی ایم ایف کے علاوہ کوئی پلان بی نہیں ہے۔
سماجی رابطے کی ویب سائٹ پرمفتاح اسماعیل نے کہا کہ سعودی عرب اور متحدہ عرب امارات (یو اے ای)سے ہمیں اعلی سطح کی ڈپلومیسی کرنی چاہیئے اس وقت پاکستان کو 5 سے 6 ارب ڈالر کی اشد ضرورت ہے، اگر پاکستان ڈیفالٹ کرتا ہے تو یہ دنیا کے لئے بھی اچھا نہیں ہوگا۔
سابق وزیر خزانہ نے کہا کہ لگتا ہے عالمی مالیاتی فنڈ (آئی ایم ایف)کے ساتھ معاملات جوں کے توں ہیں، کم آمدنی والے افراد کو پیٹرول سبسڈی دینے پر آئی ایم ایف کا سوال بنتا ہے، حکومت کے پاس بھی آئی ایم ایف کو پیٹرول پر سبسڈی کا جواب ہے۔
