مختلف علاقوں میں گیس غائب، شہریوں کو شدید پریشانی

کراچی : رمضان المبارک میں گیس کی عدم فراہمی کے باعث شہریوں کی مشکلات میں اضافہ ہوگیاہے۔

کراچی بھر سے گیس کی لوڈشیڈنگ اور قلت کے حوالے سے شکایات موصول ہورہی ہیں، شہریوں کو ماہ مقدس کے دوران کھانا پکانے کے حوالے سے شدید مشکلات کا سامناہے۔

کراچی کے مختلف علاقوں لیاری،گلشن اقبال،کیماڑی،لائنزایریا،کورنگی،ملیر،لانڈھی سمیت دیگرعلاقوں میں گیس پریشرنہ ہونے کی شکایات ہیں ۔

گیس کی عدم فراہمی کے باعث شہریوں کومشکلات کا سامنا کرنا پڑرہا ہے۔شہریوں کا کہنا ہے کہ روزانہ صرف 6 گھنٹے گیس ملتی ہے، گیس رات 2 بجے سے ساڑھے چار بجے اور شام 4 بجے سے رات 8 بجے تک دستیاب ہوتی ہے، اس کے علاوہ سارا دن ہمارے چولہے ٹھنڈے رہتے ہیں۔

اپنا تبصرہ بھیجیں: