کراچی: پیٹرولیم مصنوعات کی قیمتوں میں اضافے کے حکومتی اعلان کے بعد پبلک ٹرانسپورٹ کے کرایوں میں مزید اضافہ کردیا گیا ہے۔
اس ضمن میں پبلک ٹرانسپورٹرز کا کہنا ہے کہ کراچی سے لاہور اورپشاور کے کرائے میں 600 روپےاضافہ کیا گیا ہے جبکہ کراچی سے صادق آباد بہاولپورکے کرائے میں 200 روپے کا اضافہ ہو گا۔
کراچی سے نوابشاہ،لاڑکانہ، اور سکھرکے کرایوں میں 100 روپے کا اضافہ کیا ہے اورکراچی سے حیدرآباد کا کرایہ 50 روپے بڑھایا گیا ہے۔
پبلک ٹرانسپورٹرز کے مطابق نئے کرایہ ناموں کا اطلاق اے سی اور نان اے دونوں اقسام کی بسوں پر ہو گا اور ساتھ ہی خبردار کیا ہے کہ اگر کسی بھی قسم کی انتقامی کارروائی کی گئی تو گاڑیاں کھڑی کردیں گے۔
دوسری جانب گڈزٹرانسپورٹرزکا کہنا ہے کہ کرائے میں اضافے کا فیصلہ 31 جنوری کوتمام گڈزٹرانسپورٹرز کے اجلاس میں کیا جائے گا۔
