Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/zarayeco/public_html/wp-includes/functions.php on line 6114
ایس بی سی اے افسر ضیا کالا کا پی پی رہنماؤں کو بھی حصہ دینے کا اعتراف |

ایس بی سی اے افسر ضیا کالا کا پی پی رہنماؤں کو بھی حصہ دینے کا اعتراف

کراچی کے تعمیراتی گروپس اور بلڈرز سے بھتہ لینے کے الزام میں گرفتار سندھ بلڈنگ کنٹرول اتھارٹی کے انسپکٹر ضیاء الرحمٰن عرف ضیاء کالا نے حساس اداروں کی تفتیش کے دوران اہم انکشافات کیے ہیں۔

پریڈی تھانے میں درج مقدمے میں ایس آئی یو نے عدالت سے ملزم کا 2 دن کا ریمانڈ حاصل کیا ہے۔

ملزم سے 2 حساس اداروں نے بھی تفتیش کی ہے جس میں ملزم نے اہم تہلکہ خیز انکشافات کیے ہیں۔ملزم نے ایس بی سی اے میں ایک منظم ترین ’سسٹم‘ کی نشاندہی کی ہے جس کے تحت آرائیں نامی شخص کے توسط سے یومیہ کروڑوں روپے بھتہ جمع کیا جاتا تھا اور رقوم باقاعدہ گنتی کے بعد تھیلوں میں بھر کر ’منزل‘ پر پہنچائی جاتی تھیں۔

ملزم کے مطابق کراچی کے بہت کم ملازمین سسٹم سے جڑے ہیں، ایک منصوبہ بندی کے تحت میر پور خاص اور سندھ کے دیگر شہروں سے 200 سے زائد ملازمین کو کراچی آفس ٹرانسفر کر کے ان سے ’سسٹم‘ چلایا جا رہا ہے۔

امت اخبار کی رپورٹ کے مطابق ضیا کالا نے انکشاف کیا کہ وہ سیاسی لوگوں کو بھی ماہانہ کروڑوں روپے دیتا تھا۔ ان میں پیپلزپارٹی اور ایم کیو ایم کے عہدیدار شامل ہیں۔ جبکہ وہ لندن رہنماؤں کو بھی بھتے میں سے حصہ دیتا تھا۔

پولیس کے مطابق ضیا کالا عزیز آباد کے علاقے یاسین آباد گلشن شمیم کا رہائشی ہے جو متحدہ قومی موومنٹ کے عروج کے دنوں میں سندھ بلڈنگ کنٹرول اتھارٹی میں قلی کے طور پر بھرتی ہوا جو بعد ازاں ترقی کرتے ہوئے انسپکٹر کے عہدے پر جا پہنچا۔

پولیس کے مطابق اس مقدمے کے علاوہ ملزم اور اس کے ساتھیوں پر ایس بی سی اے میں سنگین نوعیت کی بے ضابطگیوں اور کروڑوں روپے کی کرپشن کے الزامات کی تفتیش بھی کی جا رہی ہے۔