ریاض: سعودی عرب کے شہر قطیف میں کار بم دھماکا ہوا ہے جس کے نتیجے میں دو افراد ہلاک ہوگئے۔
عرب میڈیا کے مطابق دھماکا سعودی عرب کے شہر قطیف کے اس علاقے میں ہوا ہے جہاں اہل تشیع افراد کی آبادی زیادہ ہے۔
دھماکے کے فوری بعد ہنگامی صورتحال نافذ کردی گئی ہے، پولیس اور دیگر سیکیورٹی اداروں سمیت امدادی ادارے جائے وقوع پہنچ گئے اور انہوں نے اسے سیل کردیا ۔
Reports of an explosion at market in #Qatif, Saudi Arabia pic.twitter.com/SsNYvwfvwT
— ersin (@e_sklt) June 1, 2017
ایک عینی شاہد نے بتایا کہ دھماکا بہت زور دار تھا تاہم وہ یہ نہیں بت اپایا کہ دھماکا کار میں نصب بم سے ہوا یا کوئی خودکش حملہ ہوا۔
سعودی ٹیلی ویژن العربیہ کے مطابق دھماکا کار میں ہوا ہے۔
کار بم دھماکے کی تصاویر اور ویڈیو تیز ی سے سوشل میڈیا پر شیئر کی جارہی ہیں جس میں دیکھا جاسکتا ہے کہ کار میں آگ لگی ہوئی ہے اور ار دگرد کالا دھواں تیزی سے پھیل رہا ہے۔
Footage of the aftermath of the explosion in Shia-majority #Qatif (Saudi Arabia). A group is yet to claim responsibility for the blast. pic.twitter.com/iaGuH0Dqmp
— ersin (@e_sklt) June 1, 2017
دھماکے کی ابھی ابتدائی اطلاعات موصول ہوئی ہیں تاہم مزید اطلاعات موصول ہورہی ہیں جس میں زخمی یا ہلاک افراد کی تعداد سے متعلق پتا چل سکے گا۔
رائٹر کے مطابق دھماکا کار کے اندر ہوا جس میں دو افراد ہلاک ہوئے ہیں ، گاڑی کے اندر جلی ہوئی دو لاشیں دیکھی جاسکتی ہیں، یہ اطلاعات بھی ہیں گاڑی میں دھماکہ خیز مواد موجود تھا۔
سعودی سیکیورٹی کی جانب سے تاحال دھماکے کی نوعیت، زخمیوں اور ہلاکتوں سے متعلق کوئی بیان جاری نہیں کیا گیا۔
بشکریہ اے آر وائی
