اسلام آباد : آئی ایم ایف نے سٹاف لیول معاہدے کیلئے پاکستان کے نیوکلیئراثاثوں سے متعلق کوئی شرط عائدکرنے کی تردیدکردی۔
پاکستان میں آئی ایم ایف کی نمائندہ ایستھر پیریز لوئیز نے کہاقرضہ پروگرام کے حوالے سے بات چیت میں پاکستان کے جوہری ہتھیاروں کے پروگرام کا احاطہ نہیں کیا گیا ، میں واضح کرنا چاہتی ہوں کہ اس میں قطعی کوئی صداقت نہیں۔ہماری بات چیت میں صرف معاشی پالیسیوں پر توجہ مرکوز کی گئی ہے تاکہ پاکستان کی معاشی اور ادائیگیوں کے توازن کے مسائل کو حل کیا جا سکے اور یہ میکرو اکنامک اور مالیاتی استحکام کو فروغ دینے کے لیے IMF کے مینڈیٹ کے مطابق ہے۔
ان کاکہناتھاماضی کے یا موجودہ آئی ایم ایف پروگراموں کے دوران بھی کسی پاکستانی حکومت کے ساتھ جوہری پروگرام کے بارے میں کبھی بات چیت نہیں ہوئی۔
آئی ایم ایف نے پاکستان کے ایٹمی اثاثوں سے متعلق شرط عائد کرنے کی تردید کردی
