کراچی: سائٹ سپرہائی وے پولیس نے جنجال گوٹھ سے سوزوکی پک اپ میں سیکیورٹی گارڈ کے بھیس میں سوار 4 ڈاکوؤں کو گرفتار کر کے بھاری تعداد میں اسلحہ برآمد کر لیا ۔
سائٹ سپرہائی وے پولیس نے دوران گشت کے ڈی اے روڈ جنجال گوٹھ پر کارروائی کرتے ہوئے سوزوکی پک اپ نمبر KS-7548 میں سوار 4 مشکوک افراد کو روک کر تلاشی کے دوران ان سے اسلحہ بمعہ ایمونیشن برآمد کر لیا۔
پولیس کے مطابق گرفتار ملزمان میں رجب علی ، عثمان ، نور اللہ اور وسیم شامل سے ایک رائفل ڈبل ٹو ، ایک ریپیٹر 12 بور اور ایک پستول برآمد بمعہ ایمونیشن برآمد کیا گیا ہے ۔
گرفتار ملزمان نے انکشاف کیا کہ وہ سکیورٹی گارڈز کے بھیس میں ڈکیتی کی وارداتیں کرتے تھے ، ملزمان نے متعدد علاقوں میں وارداتیں کرنے کا انکشاف کیا ہے ، گرفتار ملزمان نے 7 ماہ جیل بھی کاٹی اور وہیں اپنا گینگ بنایا تھا ، ملزمان اس سے پہلے بھی گبول ٹاؤن پولیس کے ہاتھوں گرفتار ہو چکے ہیں ، گرفتار ملزمان سے تفتیش جاری ہے ۔
سائٹ سپرہائی وے سے سیکیورٹی گارڈ کے بھیس میں سوار 4 ڈاکو گرفتار, اسلحہ برآمد
