کراچی : پاکستان شوبز انڈسٹری کے معروف اداکار عفان وحید نے حالیہ انٹرویو میں بتایا کہ ایک بار پھر ان کی شادی ہوتے ہوتے رہ گئی۔
2016میں عفان وحید کے نکاح کی چند تصاویر سوشل میڈیا پر خوب وائرل ہوئی تھی، بعدازاں انہوں نے اپنی طلاق کا اعلان کیا تھا۔
اب حالیہ انٹرویو میں انہوں نے میزبان کے سوال کا جواب دیتے ہوئے بتایا کہ کچھ عرصہ قبل ان کی ایک جگہ شادی سے متعلق بات چل رہی تھی لیکن ختم ہوگئی۔
میزبان نے سوال کیا کہ کس کی جانب سے منع کیا گیا، جس پر عفان وحید نے بتایا کہ شاید تقدیر آڑے آگئی۔
اداکار نے مزید کہا کہ کسی بھی رشتے میں محبت کا ہونا ضروری تو ہوتا ہے لیکن یہ لازمی جز نہیں ہے اس کے برعکس رفاقت زیادہ ضروری ہے۔
