کراچی: الیکشن کمیشن نے کراچی میں بلدیاتی انتخابات کے روکے گئے کچھ نشستوں کے نتائج جاری کردیے، اس طرح پیپلز پارٹی 92 نشستوں کے ساتھ شہر کی سب سے بڑی اور جماعت اسلامی 80 نشستوں کے ساتھ دوسری بڑی جماعت بن گئی۔
بلدیہ عظمی کراچی میں تحریک انصاف 44، مسلم لیگ (ن) 7، جے یو آئی 3، ٹی ایل پی 1 اور آزاد امیدوار کی 1 نشست ہے۔ الیکشن کمیشن کے جاری کردہ امیدواروں کی کامیابی کے نوٹیفکیشن کے مطابق کورنگی ٹائون میں پیپلز پارٹی کے احمد رضا جبکہ تحریک لبیک کے امیدوار صدر ٹاون یو سی 7 سے کامیاب ہوگئے۔
پی ٹی آئی کو ملیر، ابراہیم حیدری اور اورنگی ٹاون سے 3 یوسیز پر کامیابی مل گئی، مسلم لیگ (ن) نے کورنگی اور شاہ فیصل ٹاون سے 2 نشستیں حاصل کرلی۔
کراچی کی 246 یونین کمیٹیوں میں سے 235 نشستوں پر انتخابات ہوئے تھے جن میں سے 228 کے نتائج مکمل ہوگئے، ابھی 11 یونین کمیٹیوں کے چیئرمین وائس چیئرمین کی نشستوں پر انتخابات ہونا باقی ہیں۔
