لاہور: معروف اداکار و ہدایتکار فیصل قریشی نے لالی ووڈ کے سینئر اداکار شان شاہد کو اپنی پہلی فلم’ ’منی بیک گارنٹی‘‘ پر تنقید کرنے پر جواب دیا ہے۔
فیصل قریشی نے فلم’ ’منی بیک گارنٹی‘‘ کی ہدایتکاری سے لالی ووڈ میں قدم رکھا ہے۔
فیصل قریشی کی ڈائریکٹ کی گئی فلم پر سینئر اداکار شان شاہد نے تنقید کرتے ہوئے اْنہیں ناکارہ ہدایتکار قرار دیا تھا۔
اب فیصل قریشی کی جانب سے شان شاہد کو سماجی رابطے کی ویب سائٹ ٹوئٹر پر تنقید کا جواب دیا گیا ہے۔
فیصل قریشی نے دل بڑا کرتے ہوئے اپنے ٹویٹ میں لکھا ہے کہ میں شان شاہد کے تبصرے کی عزت کرتا ہوں،سینئر ادکار ہیں امید کرتا ہوں کہ انہوں نے یہ تبصرہ فلم دیکھنے کے بعد کیا ہوگا۔
