کراچی:سابق صدر مملکت و پیپلزپارٹی کے شریک چیئرمین آ صف علی زرداری نے کہا ہے کہ ہم بھرپور تیاری سے عام انتخابات لڑیں گے, پورے ملک کے جیالے تیاری کریں مستقبل جیالوں کا ہے۔بلاول نے بطور وزیر خارجہ اپنی صلاحیتوں کا لوہا منوایا ، وہ بھارتی انتہا پسندوں کی طرف سے دی جانیوالی دھمکیوں کے باوجود بھارت گئے۔
ایک یا ن میں سندھ کے بلدیاتی انتخابات میں کامیابی پرجیالوں کو مبارکباد دیتے ہوئے انہوں نے مزیدکہا کہ کوئی شک نہیں کہ جیالے اپنی قیادت کی طرح بہادر ہیں۔
انہوں نے کہاکہ سندھ میں جیت کارکنوں کی بہترین خدمات کا نتیجہ ہے، کراچی کے جیالوں نے شاندار کارکردگی دکھائی ہے، بلاول بھٹو اپنی عظیم والدہ کی طرح چاروں صوبوں کی زنجیر ہےاورپیپلزپارٹی کے کارکن اور حامی بلاول بھٹو کی طاقت ہیں۔
انہوں نے کہاکہ قا ئد عوام شہید اور بینظیر بھٹو شہید کے سیاسی جانشین بہادری کی تاریخ رقم کرتے ہیں،آصف زرداری نے سندھ میں بلدیاتی انتخابات میں کامیابی پر وزیراعلیٰ سندھ ، انکی کابینہ اور پارٹی رہنمائوں کو بھی مبارکباد دی ۔
