کراچی :کراچی کے علاقے ملیر میں فائرنگ سے ایک دہشتگرد ہلاک ، ایک فرارہونے میں کامیاب ہو گیا۔
ایس ایس پی ملیر کاکہناتھا کہ آج صبح 9 بجے 2 دہشت گردوں نے چینی کمپنی ہانگ کانگ داود جیٹی میں گھسنے کی کوشش کی۔
جیٹی پر تعینات پولیس اہلکاروں نے دہشت گردوں پر فائرنگ کی۔
پولیس کی فائرنگ سے ایک دہشت گرد ہلاک ہو گیا جبکہ ایک فرارہو گیا۔
دہشت گردوں کی فائرنگ سے پولیس کانسٹیبل اکرم علی کی ٹانگ میں گولی لگی ۔
بم ڈسپوزل اسکواڈ کو موقع پر طلب کیا گیا۔
ایس ایس پی ملیرکاکہناتھا کہ ہلاک دہشت گرد کے قبضے سے ایک کلاشنکوف 2 میگزین برآمد ہوئے ہیں ۔
زخمی کانسٹیبل اکرم کو ہسپتال منتقل کردیا گیا ہے واقعہ کی چھان بین جاری ہے۔
