زمان پارک سے مشتبہ افراد کی گرفتاری کیلیے حکومت اور عمران خان کے درمیان مذاکرات کل ہوں گے۔
ذرائع کا کہنا ہے کہ حکومت اور عمران خان کے درمیان نو مئی کے واقعات میں ملوث افراد کی گرفتاری کے لیے کل مذاکرات ہوں گے، حکومتی ٹیم کل دوبجے کے بعد کمشنر لاہور کی سربراہی میں زمان پارک جائے گی۔
ذرائع کا کہنا ہے کہ حکومتی ٹیم زمان پارک کی سرچ کے حوالے سے عمران خان کے نمائندوں سے مذاکرات کرے گی اور رہائش گاہ کی تلاشی لینے پر اتفاق رائے ہونے کی صورت میں 400 پولیس اہلکار زمان پارک کے سرچ کا حصہ بنیں گے۔
نگراں وزیر اطلاعات عامر میر نے دعویٰ کیا ہے کہ عمران خان کی رہائش گاہ زمان پارک میں سانحہ نو مئی سے جڑے چالیس شرپسند موجود ہیں۔
