’مسئلہ ہمارے مہاجر ہونے سے ہے تو یہ آپ کا مسئلہ ہے‘

معروف صحافی اور اداکارہ شمع جونیجو کی جانب سے گزشتہ روز ایک ٹویٹ کیا گیا جس میں انہوں نے ایک ٹویٹ کے جواب میں لکھا تھا کہ میں سندھی ہوں اور آپ؟

شمع جونیجو کے اس ٹویٹ کے بعد پاکستان میں بسنے والی دیگر قومیتوں کے لوگوں نے بھی جواب دیے اور فخر سے اپنی قومیتی شناخت کو بیان کیا۔

اس ٹویٹ پر بہت زیادہ جواب کراچی یا شہری سندھ میں مقیم صارفین نے دیے اور لکھا کہ ’میں مہاجر ہوں اور مجھے اس پر فخر ہے‘۔

یہ معاملہ یوں بھی زور پکڑ گیا کہ حال ہی میں پاکستان پیپلزپارٹی کے ٹویٹر پر سرگرم صارف شہزاد نے حافظ نعیم کی اوطاق سے متعلق تقریر پر ردعمل دیتے ہوئے مہاجروں کو بھوکا ننگا قرار دیا تھا۔

I am Sindhi… and you? https://t.co/G5DDdHCrHY pic.twitter.com/vTPE3Ban4m

— Dr Shama Junejo (@ShamaJunejo) June 13, 2023

واضح رہے کہ شہزاد کا تعلق سندھ سے نہیں بلکہ سرائیکی بلیٹ سے ہے۔ اُن کے کسی اور ٹویٹ کے جواب پر پی پی کے نامزد میئر کراچی مرتضیٰ وہاب نے بھی جواب دیا اور لکھا کہ ’میری اوطاق پر آجاؤ‘۔

اسی دوران اوطاق سے متعلق بیان پر دیگر سندھی قومیت سے تعلق رکھنے والے لوگوں نے بھی حافظ نعیم الرحمان کو تنقید کا نشانہ بنایا اور قومی امکان ہے کہ شمع جونیجو نے بھی اسی تسلسل میں ٹویٹ کیا۔ تاہم انہوں نے اس بابت کچھ واضح نہیں کیا ہے۔

میں مہاجر ھوں
اور آپ ۔۔ https://t.co/MPP673BCvj pic.twitter.com/XpV1FZtKfO

— Adeel Hasnain (@hasnainadeel) June 14, 2023

معروف انفلوئنسر ، بلاگر اور سوشل میڈیا ایکٹویسٹ نصرت سحر نے دو جوابی ٹویٹس کیے جن میں سے ایک میں انہوں نے اپنی شناخت مہاجر بیان کی اور دوسرے میں لکھا کہ ’اپ جو چاہے بنو، سندھی پنجابی بلوچی پٹھان پاکستانی، ہمیں کوئی اعتراض نہیں‘۔

اپ جو چاہے بنو، سندھی پنجابی بلوچی پٹھان پاکستانی
ہمیں کوئ اعتراض نہیں
اعتراض اپ کو ہمارے مہاجر ہونے سے ہے
مسئلہ آپ کو ہم سے ہے
تو یہ اپ کا مسئلہ ہے
ہمارا نہیں
جئے مہاجر ???? https://t.co/l5AYCTJ6UX

— ????سَــــــرپھِـــــری (@sarphireee) June 14, 2023

انہوں نے لکھا کہ ’اعتراض اپ کو ہمارے مہاجر ہونے سے ہے، مسئلہ آپ کو ہم سے ہے، تو یہ آپ کا مسئلہ ہے، ہمارا نہیں‘۔

اس کے ساتھ ہی انہوں نے جئے مہاجر کا نعرہ بھی لکھا۔