نگران حکومت کی عوام کو پہلی بڑی سلامی، پٹرولیم مصنوعات کی قیمتوں میں بیس روپے فی لیٹر تک اضافہ کردیا گیا ہے۔
وزارت خزانہ کی جانب سے جاری نوٹی فکیشن کے مطابق آئندہ پندرہ روز کیلیے پٹرول ساڑھے سترہ روپے فی لیٹر جبکہ ہائی اسپیڈ ڈیزل بیس روپے فی لیٹر مہنگا کیا گیا ہے۔
وزارتِ خزانہ نے پٹرولیم مصنوعات کی قیمتوں میں اضافے کا اعلان کردیا ہے وزارت خزانہ کی جانب سے جاری کردہ اعلامیہ کے مطابق پٹرولیم مصنوعات کی قیمتوں میں اضافے کا اطلاق کردیا گیا ہے جو اگلے پندرہ روز تک نافذ العمل رہے گا۔
نگران حکومت کی جانب سے پٹرولیم مصنوعات کی قیمتوں میں کئے جانیوالے اضافے کے بعد پٹرول کی قیمت 272.95روپے سے بڑھ کر290.45 روپے فی لیٹر جبکہ ہائی اسپیڈ ڈیزل کی قیمت273.40 روپے سے بڑھ کر293.40 روپے فی لیٹر ہوگئی ہے۔
