کراچی: سوئی سدرن وعدے کے مطابق گیس فراہم کرنے میں ناکام، شہری اذیت کا شکار۔تفصیلات کے مطابق شہر قائد کے مختلف علاقوں میں رہنے والے سوئی سدرن گیس کمپنی (ایس ایس جی سی) کے صارفین کھانا پکانے کے لیے گیس نہ ہونے کی شکایت کر رہے ہیں حالانکہ کمپنی نے وعدہ کیا تھا کہ کھانا پکانے کے اوقات میں گیس لوڈشیڈنگ نہیں کی جائے گی لیکن اب اس کے برعکس ہو رہا ہے۔
11 دسمبر کو ایس ایس جی سی نے باضابطہ طور پر اعلان کیا تھا کہ گھریلو صارفین کو پورے دن میں مجموعی طور پر 8 گھنٹے یعنی صبح، دوپہر اور شام کو کھانے پکانے کے اوقات میں گیس فراہم کی جائے گی۔
اب صورتحال یہ ہے کہ امیر لوگوں کے علاقوں سے لے کر کم آمدنی والے محلوں تک کھانے کے اوقات میں گیس نہ ہونے یا بہت ہی کم پریشر کےساتھ میسر ہونے کی شکایات بڑے پیمانے پر سامنے ا?رہی ہیں۔
اس صوررتحال میں سوئی سدرن بھی بے بس دکھائی دیتی ہے جبکہ اس کے ترجمان نے بھی شہر میں ناشتے، دوپہر کے کھانے اور رات کے کھانے کے اوقات میں گیس کا پریشر کم ہونے کے مسئلے کو تسلیم کیا ہے۔اسکیم 33 کے ایک رہائشی نےصحافیوں کو بتایا کہ ناشتہ بنانے کے لیے گھر میں گیس نہیں آرہی، گیس پریشر بہت کم ہے، گیس اتنی کم آرہی ہے کہ چولہا ایسے جل رہا ہے جیسے موم بتی جلتی ہے۔
