بھارت کے نامور شو ’بگ باس‘ کے سیزن 17 میں معروف کامیڈین منور فاروقی کو ہراسانی کا سامنا کرنا پڑ رہا ہے۔
سوشل میڈیا پر یہ معاملہ بدھ کے روز اُس وقت اٹھا جب نئی قسط کی چند خفیہ ویڈیوز سامنے آئیں جس میں منور فاروقی کے حوالے سے گفتگو کی جارہی تھی۔
ان ویڈیوز میں منو آرا چوپڑا ، انوراگ ڈھوبل، انکیتا لوکھنڈے اور بابو بھیا نہ صرف منور فاروقی کے حوالے سے غلط گفتگو کرتے نظر آرہے ہیں بلکہ وہ باڈی شیمنگ بھی کررہے ہیں۔
مذکورہ شرکا کو ویڈیو میں گفتگو کرتے سنا جاسکتا ہے کہ منور فاروقی کا دماغ 45 سال کے بوڑھے شخص جیسا، بال کم اور وغیرہ وغیرہ ہے۔ خواتین نے اس پر کمنٹس کیے جبکہ انوراگ اور بوبو بھیا بھی تبصرے کرتے رہے۔
Here is the All Videos…#MunAra
Jo bol rahe the na Manara, rider ne kuch nahin bola dekhlo saare videos NEPO KID #MannaraChopra#MunawarFaruqui???? Ki Janta/Warriors Spread all these Videos.#MunawarFaruqui #BB17 #BiggBoss17 #BiggBoss #AnuragDobhal #ankitalokhande #BabuBhaiya pic.twitter.com/PsnBTHOycC
— MUNAWAR FARUQUI ???????? Tabish (@Munawardongri_) November 22, 2023
ایک موقع پر تو گفتگو میں خاتون نے منور فاروقی کو سوچ اور جسمانی خدوخال کی وجہ سے گھر کا چوکیدار تک قرار دیا۔
سوشل میڈیا صارفین نے مذکورہ ویڈیو سامنے آنے کے بعد سلمان خان سے اس حرکت کا نوٹس لینے کا مطالبہ کیا اور منور فاروقی کے خلاف جاری جسمانی ہراسانی کی مہم کو فی الفور روکنے کا بھی مطالبہ کیا۔
