سابق سٹی ناظم نعمت اللہ خان انتقال کرگئے

کراچی کے سابق ناظم اور جماعت اسلامی کے سابق امیر و رہنما نعمت اللہ خان طویل علالت کے بعد انتقال کرگئے۔

جماعت اسلامی کے ترجمان نے نعمت اللہ خان کے انتقال کی تصدیق کرتے ہوئے بتایا کہ وہ طویل عرصے سے علیل اور زیر علاج تھے۔ نعمت اللہ خان کا انتقال 89 سال کی عمر میں ہوا، وہ کراچی کے 26 ویں میئر تھے، وہ 2001 سے 2005 تک میئر کراچی رہے۔

نعمت اللہ خان 1930 میں بھارت کے شہر اجمیر میں پیدا ہوئے، وہ پیشے کے لحاظ سے وکیل تھے، انہوں نے پنجاب یونیورسٹی سے جرنلزم میں ماسٹر کیا اور کراچی سے قانون کی ڈگری حاصل کی۔ نعمت اللہ خان نے الخدمت فاؤنڈیشن میں بھی خدمات انجام دیں اور وہ جماعت اسلامی کراچی کے امیر بھی رہے۔

اپنا تبصرہ بھیجیں: