کراچی اور حیدرآباد میں گیس، بجلی کی لوڈ شیڈنگ کا معاملہ قومی اسمبلی پہنچ گیا۔
تفصیلات کے مطابق ایم کیو ایم پاکستان کی نو منتخب حق پرست رکن قومی اسمبلی برائ حلقہ این اے 232 آسیہ اسحاق نے گیس اور الیکٹرک کی لوڈ شیڈنگ کے خلاف قومی اسمبلی میں توجہ دلاؤ نوٹس جمع کرادیا۔
نوٹس میں لیا گیا ہے کہ کراچی اور حیدرآباد کے عوام میں گیس اور بجلی کی لوڈ شیڈنگ پر شدید احساس محرومی اور تشویش پائی جاتی ہے۔
واضح رہے کہ رمضان المبارک میں بالخصوص سحر و افطار کے وقت میں شیڈول کے باوجود کئی علاقوں میں گیس کی لوڈ شیڈنگ کا سلسلہ جاری ہے جس کیوجہ سے شہری دہرے عذاب میں مبتلا ہیں۔
اس کے علاوہ شہر کے کئی علاقوں میں دس گھنٹے اعلانیہ جبکہ کئی کئی گھنٹے غیر اعلانیہ بجلی کی لوڈ شیڈنگ بھی کی جارہی ہے۔
