کراچی: شہر قائد کے علاقے لانڈھی میں 25 سالہ نوجوان کے الیکٹرک کی نااہلی کے باعث جاں بحق ہوگیا۔
تفصیلات کے مطابق شہر قائد کو بجلی کی ترسیل کرنے والی پرائیوٹ کمپنی کے الیکٹرک اب قاتل الیکٹرک بنتی جارہی ہے، گزشتہ دنوں گلشن معمار میں تار گرنے سے کمسن بچے کے ہاتھ ضائع ہوگئے تھے مگر انتظامیہ نے اس سے سانحے سے بھی سبق حاصل نہ کیا۔
اب سے کچھ دیر قبل لانڈھی میں کے الیکٹرک کی نااہلی کا ایک اور واقعہ پیش آیا، شاہراہ پر لٹکے تار سے ٹکرا کر 25 سالہ نوجوان جاں بحق ہوگیا۔
لواحقین کے مطابق نوجوان دوست کے ہمراہ پیچھے بیٹھ کر موٹر سائیکل پر جارہا تھا کہ اُس نے محفوظ رہنے کے لیے تار کو ہاتھ لگایا جس کے بعد وہ وہیں لپٹا رہ گیا۔
نوجوان نے بجلی کے تار کو ہاتھ لگایا تو اُس میں کرنٹ تھا پھر زور دار جھٹکا لگا جس کے بعد وہ دم توڑ گیا، واقعے میں دوسرا موٹر سائیکل سوار نوجوان زخمی ہوا ہے۔
