کراچی : پی ایس ایل ٹیم اسلام آباد یونائیٹڈ کے کپتان شاداب خان کی کم عمر مداح نے ان کا اسکیچ بنا کر ان سے اپنی محبت کا اظہار کیا ہے۔
کم عمر اسکیچرنے شاداب خان سے محبت کا اظہار کرنے کے لیے ان کا اسکیچ بنایا ہے۔
12 سالہ زریش نیازی کاکہناہے کہ انہوں نے اسکیچ آرٹ خود ہی ویڈیوز دیکھ کر سیکھ لیا تھا۔
انہوں نے کہاکہ پی ایس ایل میں ان کی فیورٹ ٹیم اسلام آباد یونائیٹڈہے اور وہ شاداب خان کی فین ہیں کیونکہ وہ ایک بہترین آل راؤنڈر ہیں،شاداب خان کا اسکیچ بنانے میں دو دن سے زیادہ وقت لگا تھا، خواہش ہے کہ شاداب خان سے ملاقات کرکے یہ اسکیچ ان کو گفٹ کروں۔
انہوں نے کہاکہ وہ سرفراز احمد اور نسیم شاہ کا اسکیچ بناکر ان کو بھی گفٹ کرنا چاہتی ہیں۔
