نئی دہلی: ایف سولہ گرانے کے معاملے پر بھارتی میڈیا کی ہٹ دہرمی پر بھارتی تجزیہ نگار اشو سوائن نے خاموشی توڑتے ہوئے کئی اہم سوالات اٹھا دیے۔
تفصیلات کے مطابق محقق اور بھارتی تجزیہ نگاراشوک سوائن نےبھارتی میڈیاکوآئینہ دکھاتے ہوئے ایف سولہ طیاروں کے استعمال اور انہیں تباہ کرنے کے حوالے سے کئی سوالات اٹھائے۔
اُن کا کہنا تھا کہ بھارتی میڈیا نے پاکستانی طیارہ گرانےکی زوروشورسےرپورٹنگ کی مگر پھر امریکی حکام کی حقائق جاننےکی کوششوں کوبھی رپورٹ کیاگیا۔ بھارتی میڈیاکہتاہے امریکا نے پاکستانی ایف16طیاروں کی گنتی نہیں کی، مارچ میں گنتی کرنےاوراب گنتی نہ کرنےکی رپورٹنگ سمجھ سے بالاتر ہے۔
انہوں نے سوال کیا کہ کیابھارتی میڈیاکی یادداشت کھو گئی ہے یا جان بوجھ کر احمقانہ رپورٹنگ کی جارہی ہے۔
یاد رہے کہ اشوک سواین بھارتی وزیر اعظم کے بڑے ناقد ہیں، انھوں نے پلوامہ حملے کے بعد مودی کی پالیسیوںپر کڑی تنقید کی تھی، ساتھ ہی ابھی نندن کی رہائی کے معاملے پر وزیر اعظم عمران خان کو سراہا تھا.
خیال رہے کہ بین الاقوامی میڈیا نے تصدیق کی ہے کہ پاکستان کے پاس موجود ایف16 طیاروں کی گنتی پوری ہے، جس سے پاکستانی ایف16 طیارے کو گرانے کا بھارتی دعویٰ بے معنی ثابت ہوتا ہے۔
