اسلام آباد: وفاقی وزیر برائے سائنس اینڈ ٹیکنالوجی فواد چوہدری نے قمری کلینڈر جاری کردیا۔
انہوں نے سماجی رابطے کی ویب سائٹ پر ملک میں چاند دیکھنے کے حوالے سے بالخصوص رمضان اور عید الطفر کے چاند کے حوالے سے ہونے والے تنازع کو حل کرنے کے لیے ایک ویب سائٹ مون سائٹ پاکستان کا اجرا کیا۔
اپنے ایک ٹوئٹر پیغام میں وفاقی وزیر نے ا س ویب سائٹ کی یو آر ایل بھی جاری کی جس میں بتایا گیا ہے کہ ملک بھر میں عید الفطر پانچ جون کو منائی جائے گی۔
بعد ازاں وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ سائنس اینڈ ٹیکنالوجی کا ایک موقف ہے جو سامنے رکھ دیا ہے، رویت ہلال کمیٹی زبردستی عید نہیں کراسکتی ہے ان کا کام سفارشات دینا ہے۔
MoonSighting Pakistan launched….. https://t.co/1HSEzw7cMf
— Ch Fawad Hussain (@fawadchaudhry) May 26, 2019
فواد چوہدری نے کہا کہ چاند دیکھنے کے لیے علماء میں 3 سے 4 آرا پائی جاتی ہیں، بعض علماء کے نزدیک رویت ہلال خالصتاً تکنیکی معاملہ ہے، امام احمد حنبل نے چاند کی رویت کے لیے آنکھ ضروری قرار دی، امام شافعی کے مطابق چاند آنکھ سے دیکھنا ضروری نہیں ہے۔
