دنیا بھر میں 16 جون کو فادرز ڈے منایا گیا، اس دن کو مزید اہم بنانے کے لیے مریم نواز اور بلاول بھٹو نے اہم سیاسی ملاقات کی جس میں مستقبل کا لائحہ عمل طے کیا، بلاول بھٹو مریم کی دعوت پر اعلیٰ سطح کے وفد کے ہمراہ جاتی امرا پہنچے تھے۔
اجلاس کے دوران بجٹ منظور نہ ہونے پر مشترکا حکمت عملی، نیب گرفتاریوں اور حکومت کے خلاف گھیرا تنگ کرنے پر مزید غور کیا گیا۔
مریم نواز کا کہنا تھا کہ دونوں جماعتوں نےجمہوریت وآئین کےلیےقربانیاں دیں، معاشی بحران ناقابل برداشت صورت اختیارکرچکاہے، آزادعدلیہ پرجھوٹی حکومت کا حملہ قبول نہیں۔
بلاول بھٹو کا کہنا تھا کہ پھانسی،ملک بدری،جیل دیکھنےوالوں کوحکومت نہیں ڈراسکتی، ووٹ چوراورکٹھ پتلی حکومت عوام کی ترجمانی نہیں کرسکتی۔
