لاہور: وفاقی وزیر ریلوے شیخ رشید احمد نے ریلوے کے کرایوں میں 6 سے 7 فیصد اضافے کا اعلان کردیا جس کا اطلاق یکم جولائی سے ہوگا۔
لاہور میں پریس کانفرنس کرتے ہوئے وفاقی وزیر کا کہنا تھا کہ ایندھن کی قیمت بڑھنے کا سب سے زیادہ اثر ریلوے پر پڑا لہذا کرایہ مہنگا کیا جارہا ہے، یکم جولائی سے ریلوے کرایوں میں اضافہ ہوجائے گا۔
انہوں نے بتایا کہ ریلوے کرایوں میں 6 سے 7 فیصد اضافہ کیا جارہا ہے جبکہ 50 کلومیٹر کے سفر پر کرایوں میں کوئی اضافہ نہیں ہوگا۔ اکانومی کلاس میں 100 روپے تک کرایے میں اضافہ ہوگا، جو ریلوے ٹکٹس خریدی جاچکی ہیں اس پر اضافے کا اطلاق نہیں ہوگا۔
عوام کے لیے ایک اور مہنگائی کا ٹیکا، ریلوے کے کرایوں میں اضافہ
