“‘دشمن”‘ ہمارے لوگوں سے کارروائیاں کرا رہا ہے،آپریشن مسئلے کا حل نہیں’مصطفی کمال
دشمن جہاں چاہتا ہے کارروائی کرتا ہے، امن کہ ہے؟ دشمن ہمارے اپنے لوگوں سے کارروائیاں کرا رہا ہے، آپریشن مسئلے کا حل نہیں، اختیارات عوام کو منتقل کرنے سے ہی دہشتگردی ختم ہو گی، مصطفیٰ کمال کی پریس کانفرنس۔پاکستان ہاؤس میں پریس کانفرنس کرتے ہوئے پاک سرزمین پارٹی کے سربراہ اور سابق ناظم کراچی نے دہشتگردی کے خاتمے کے لئے فوجی آپریشن پر تحفظات کا اظہار کر دیا۔ مصطفیٰ کمال کا کہنا تھا کہ نیشنل ایکشن پلان کے تمام نکات پر عمل کئے بغیر دہشتگردی ختم نہیں ہو سکتی۔انہوں نے کہا کہ چار چھ ماہ کے لئے کراچی میں آنے والی رینجرز پچیس سال سے یہیں ہے، اب پنجاب بھی حوالے کر دیا گیا ہے، نیشنل ایکشن پلان پر من و عن عمل کئے بغیر دہشتگردی کا خاتمہ ممکن نہیں۔مصطفیٰ کمال نے کراچی آپریشن کو ناکام کہتے ہوئے اس کی وجہ بھی بتا دی۔ انہوں نے دعویٰ کیا کہ نیشنل ایکشن پلان کی کامیابی بھی محروم طبقے کی دادرسی سے مشروط ہے، صرف آپریشن دہشتگردی کے ناسور کو ختم نہیں کر سکتا۔
