اسلام آباد: مشیر برائے خزانہ اور چیئرمین ایف بی آر نے تصدیق کی ہے کہ ایمنسٹی اسکیم میں تین روز تک توسیع کردی گئی، آخری تاریخ تین جولائی ہے لہذا تمام پاکستانی آگے بڑھ کر قومی فریضہ ادا کریں۔
یاد رہے کہ یکم جون کو متعارف کرائی جانے والی بے نامی جائیداد ظاہر کرنے کی ایمنسٹی اسکیم کی مدت تیس جون تک تھی، آئی ایم ایف کی جانب سے شدید مخالفت بھی کی گئی ، حکومت نے کل ہی توسیع کا فیصلہ کیا تھا البتہ آج توسیع کا باضابطہ اعلان کیا گیا۔
ایف بی آر اعلامیے کے مطابق 39ہزارسےزائدافرادنےاب تک اثاثےظاہرکیے، مزید 35ہزارسےزیادہ افراد درخواستیں جمع کراچکےہیں،اسکیم کے تحت اب تک 35سے40ارب روپےٹیکس جمع ہوا، اسکیم کےآخری دنوں میں درخواستیں جمع کرانےکےرجحان میں تیزی آئی۔
ایمنسٹی اسکیم کے معاملے پر عمران خان کے یوٹرنز پر ایک نظر، خود کتنا فائدہ اٹھایا
چیئرمین ایف بی آرشبر زیدی اسکیم کی مدت میں توسیع نہ کرنےکااعلان کرچکےہیں، تمام فیلڈ دفاتراورمجازبینک برانچز آج رات 12بجےتک کھلی رہیں گی، رات 12بجے تک گوشوارےاوراسکیم کےلیےدرخواستیں دی جاسکتی ہیں، اسکیم سےفائدہ اٹھانےوالوں کوکیش نکلوانےکی سہولت دی جائے، اسٹیٹ بینک نےتمام بینکوں کوہدایت جاری کردی۔
