پنجاب کے عالقے خانیوال میں مبینہ طور پر سسرالیوں نے داماد کو تشدد کا نشانہ بنا کر اُس کی آنکھوں میں ایلفی ڈال دی، متاثرہ شخص کو اسپتال منتقل کر دیا گیا، ڈاکٹرز نے آنکھیں ضائع ہونے کا خدشہ ظاہر کردیا۔
پولیس حکام کے مطابق واقعہ نواحی علاقہ 87 دس آر میں پیش آیا جہاں مبینہ طور پر سسرالیوں نے مل کر سابقہ داماد کی آنکھوں میں ایلفی ڈال دی، متاثرہ شخص کو ڈسٹرکٹ اسپتال منتقل کر دیا گیا۔ متاثرہ شخص محمد افتخارکا کہنا ہے کہ گھریلو رنجش پر چند روز قبل بیوی کو طلاق دی تھی، سسرالیوں نے جہیز واپس کرنے کے لئے بلایا اور آنکھوں میں ایلفی ڈال دی۔
پولیس کے مطابق واقعے کے بعد ملزمان فرار ہوگئے جن کی تلاش کی جارہی ہے۔
