سابق وزیر اعظم نواز شریف کو العزیزیہ ریفرنس میں سزا سنانے والے احتساب عدالت کے جج ارشد ملک کی ویڈیو بنانے والا مرکزی ملزم میاں طارق کو گرفتار کر لیا، مریم نواز نے خوفناک ردعمل دے دیا۔
میاں طارق کو ایف آئی اے اسلام آباد کے سائبر کرائم ونگ نے کیا، ملزم کے گھر سے ویڈیو بھی برآمد کی گئی جس کا فرانزک کرالیا گیا۔ ذرائع کے مطابق میاں طارق دو روز سے تحویل میں تھے اب اُن کی گرفتار ی ظاہر کی گئی۔
میاں طارق دبئی فرار ہونے کی کوشش کررہا تھا، ملزم طارق محمود کو سول جج شائستہ کنڈی کی عدالت میں پیش کیا گیا عدالت نے ملزم کا دو روزہ جسمانی ریمانڈ منظور کر لیا، ملزم کو عدالت میں بکتر بندگاڑی میں انتہائی سخت سیکورٹی میں لایا گیا۔
اچھا ہوا مگر اس ویڈیو کو جج کو دکھا کر بلیک میل کرنے اور نواز شریف کو بےگناہ ہوتے ہوئے بھی زبردستی سزا دلوانے والوں کو بھی پکڑا جائے گا؟ https://t.co/JbCDKRXLAe
— Maryam Nawaz Sharif (@MaryamNSharif) July 17, 2019
ایف آئی اے ذرائع کے مطابق احتساب عدالت کے جج ارشد ملک نے اسلام آباد ہائیکورٹ میں جمع کرائے گئے اپنے بیان حلفی میں میاں طارق کا بھی ذکر کیا ہے۔
حسین نواز کی تصویر لیک کرنے والوں کے خلاف بھی کاروائی ہو گی؟ https://t.co/rBq3stJazL
— Maryam Nawaz Sharif (@MaryamNSharif) July 17, 2019
دوسری جانب مریم نواز نے سماجی رابطے کی ویب سائٹ پر مطالباکہ کیا حسین نواز کی دورانِ حراست تصویر لیک کرنے والوں کو گرفتار کیا جائے۔
