کراچی: ایم کیو ایم پاکستان کی رابطہ کمیٹی کے رکن اور سابق رکن اسمبلی فیصل سبزواری نے اینکر مدیحہ عباس سے باضابطہ شادی کرلی۔
ذرائع کے مطابق دونوں تین سال سے رشتے سے منسلک تھے البتہ حتمی اعلان انہوں نے تقریب کے ذریعے کیا۔
فیصل سبزواری کی پہلی اہلیہ امریکا میں ہیں، ان کی پہلی شادی بھی پسند کی ہوئی تھی جن نے دو بچے ہیں۔
سال 2013 سے قبل فیصل سبزواری ایم کیو ایم قیادت سے ناراضی کے باعث اپنی پہلی اہلیہ کے ساتھ امریکا گئے تھے جس کے بعد وہاں ٹریفک حادثہ پیش آیا تھا جس کے نتیجے میں انہیں قانونی معاملات کا سامنا کرنا پڑا تھا۔
فیصل سبزواری نے 23 اگست کو ایم کیو ایم پاکستان کی حمایت کا اعلان کیا اور واپس آکر متحرک کردار ادا کیا، البتہ گزشتہ چند ماہ سے وہ سیاسی سرگرمیوں سے دور تھے جس کی کوئی خاص وجہ نہیں تھے۔
ولیمے کی پرتعیش تقریب میں گورنر سندھ، وزیر اعلی سندھ سمیت دیگر شخصیات نے شرکت کی اور نوبیاہتا جوڑے کو مبارک باد پیش کی۔
