اسلام آباد میں گزشتہ روز پڑاؤ ڈالنے والے جمعیت علماء اسلام ف کے کارکنان نے کل نماز جمعہ ادائیگی کے بعد مصروف دن گزارا اور وہ رات کو اپنے مقام پر ہی سوئے، صبح کا آغاز نمازِ فجر کے بعد ہوا اور پھر ناشتے یا چہل قدمی کا سلسلہ شروع کیا۔
شرکا اپنے ہمراہ بستر و دیگر ضروری چیزیں لے کر آئے البتہ پنڈال میں کچھ ایسے لوگ بھی نظر آئے جن کے پاس سولر پینل تھا، حیران کن طور پر یہ سولر پینل کسی اور کام کے لیے نہیں بلکہ موبائل چارج کے لیے تھا۔
شرکا نے صبح اٹھتے ہی اپنے بستر سمیٹیں جس کے بعد وہاں لگے ناشتے کے اسٹال کھل گئے، لوگوں نے ناشتہ کیا اور کچھ نے اخبار کا مطالعہ بھی کیا۔ سولر پینل والے جے یو آئی کے کارکن نے ایک جگہ پر پینل اور بیٹری رکھی جس کے بعد وہاں موبائل چارج کروانے والوں کا تانتا بندھ گیا۔
تصاویر بشکریہ جیو نیوز
