کراچی کے علاقے لانڈھی اسماعیل گوٹھ قبرستان میں خاتون مردہ سے زیادتی کا ایک اور واقعہ سامنے آگیا، ورثا کے مطابق ملزم نے قبر اور جسد خاکی کی بے حرمتی کی۔
بھائی کا کہنا ہے کہ گزشتہ روز 32 سالہ فریحہ نامی خاتون کی تدفین کی اور آج صبح چاچا جب فجر کی نماز کے بعد قبرستان پہنچے تو قبر کی دو سلیبیں ہٹی ہوئی تھیں اور بہن کے جسم سے کفن اتارا ہوا تھا۔ نامعلوم شخص نے خاتون کی قبر کو کھود کر زیادتی کی۔
بھائی کا دعویٰ ہے کہ مردہ بہن کے جسم پر زیادتی کے واضح نشانات نظر آرہے ہیں، پولیس اور متعلقہ ادارے معاملے پر ایکشن لیں۔ واقعے کے بعد ورثا اور علاقہ مکینوں کی بڑی تعداد قبرستان پہنچ گئی۔
