راولپنڈی: ڈی جی آئی ایس پی آر میجر جنرل آصف غفور نے کہا ہے کہ چیف آف آرمی اسٹاف جنرل قمر جاوید باجوہ کی خواہش ہے کہ الیکشن میں پاک فوج کا عمل دخل کم سے کم ہوا اور ایسا الیکشن کا طریقہ کار تیار کیا جائے جس میں فوج کا کہیں کوئی کردار نہ ہو۔
ایک روز قبل نجی ٹی وی سے گفتگو کرتے ہوئے میجر جنرل آصف غفور نے مختلف موضوعات، آزادی مارچ، کشمیر، کرتار پور راہداری اور فوج کی الیکشن میں تعیناتی کے حوالے سے خصوصی گفتگو کی اور تمام باتوں کے حقائق بیان کیے۔
فوج 20 سال سے ملکی سکیورٹی اور دفاع کے کاموں میں مصروف ہے جو ہمیں یہ اجازت نہیں دیتے کہ خود کو اس طرح کی چیزوں میں ملوث کریں یا الزام تراشیوں کا جواب دیں ‘جو بیان دیتا ہوں فوج کے ترجمان کی حیثیت سے دیتا ہوں۔ سیاست میں شاید ایسا ہوتا ہو کہ بیان دیں اور بعد میں کہیں یہ میرا ذاتی بیان تھا‘میجر جنرل آصف غفور نے کہا کہ فوج حکومت کے احکامات پر عمل کرتی ہے، ہم آئین میں رہتے ہوئے ریکوزیشن پراپنا کردار ادا کرتے ہیں‘ فوج کی خواہش نہیں کہ الیکشن میں کوئی کردار ادا کرے۔
