راولپنڈی: ہولی فیملی ہسپتال کی پارکنگ میں کھڑی گاڑی سے سینئر صحافی کی تین روز پرانی لاش برآمد ہوئی۔
پولیس کے مطابق گاڑی سے برآمد ہونے والی لاش راولپنڈی سے سینئر صحافی کی ہے، جس کی شناخت شفاعت شیخ کے نام سے ہوئی، مقتول کے جسم پر تشدد کے نشانات موجود ہیں،لاش 2 سے 3 دن پرانی ہے، پارکنگ میں کھڑی گاڑی پر نیشنل پریس کلب کی پلیٹ بھی لگی ہوئی ہے۔
پولیس نے اسپتال کے مرکزی دروازے پر تعینات سیکیورٹی گارڈ کو تحویل میں لے کر پوچ گچھ کی اور سی سی ٹی وی فوٹیج حاصل کرلیں۔
لاش گزشتہ روز برآمد ہوئی جس کے بعد اسے قانونی کارروائی کے لیے پوسٹ مارٹم کے بعد اہل خانہ کے حوالے کیا گیا۔
