کراچی: تحریک انصاف کے کارکنان ایم کیو ایم کی خاتون کونسلر مریم قریشی پر حملہ کر کے تشدد کا نشانہ بنا ڈالا۔
ایک روز قبل کراچی کے علاقے لیاری میں واقع عثمان آباد بادشاہی روڈ پر یوسی 18 کی چیئرمین مریم قریشی پر تحریک انصاف کے کارکنان نے اُس وقت تشدد کیا جب وہ اپنے حلقے میں روڈ کارپیٹنگ کروارہی تھیں، پی ٹی آئی کے کارکنان نے سرکاری مشینری پر اپنی جماعت کا جھنڈا نہ ہونے پر پہلے تلخ کلامی کی اور جھنڈا نہ لگانے پر خاتون کونسلر کو تشدد کا نشانہ بنایا۔
ایم کیو ایم کے وکیل وسیم قادری کے مطابق جھگڑے کے دوران کارکنان نے مریم قریشی پر تشدد بھی کیا، مریم قریشی وکلاء کی ٹیم اور دیگر چئیرمین کے ہمراہ مقدمہ کروانے گارن تھانے پہنچیں تو ایس ایچ او گارڈن نے اپنے تعاون کی یقین دہانی کروائی اور تحریک انصاف کے رکن قومی اسمبلی شکور شاد کو ٹیلی فون کر کے صورتحال سے آگاہ کیا۔
بعد ازاں رکن قومی اسمبلی نے خاتون کونسلر سے رابطہ کر کے افسوس کا اظہار کیا اور ملوث ملزمان کو کیفرکردار تک پہنچانے میں ہر قسم کی معاونت فراہم کرنے کی یقین دہانی کرائی۔
