کراچی: فیڈرل ایویسٹی گیشن ایجنسی (ایف آئی اے) سائبر کرائم سیل نے خاتون کو بلیک میل اور ہراساں کرنے کے الزام میں تین ملزمان گرفتار کرلیا۔
ایکسپریس نیوز کے مطابق کراچی ایف آئی اے سائبرکرائم سیل نے مختلف علاقوں میں چھاپہ مار کر خاتون کو ہراساں کرنے کے الزام میں تین ملزمان کو گرفتار کرلیا، گرفتار ملزمان میں عبدالرافع ، اسامہ ذوالفقار اور احتشام جیلانی شامل ہیں۔
ایف آئی اے حکام کے مطابق ملزم اسامہ ذوالفقار نے خاتون سے دوستی کی اور ساتھی ملزمان کے ساتھ مل کرفحش ویڈیو اور تصاویر ریکارڈز کیں، ملزمان نے خاتون سے متعلق غیراخلاقی مواد ڈیوائس میں محفوظ کر رکھا تھا۔ ملزم رافع نے جعلی فیس بک اکاؤنٹ کے ذریعے خاتون سے رابطہ کیا اور دوستی کے بعد غیراخلاقی مواد کے ذریعے بلیک میل کرنا شروع کردیا، خاتون کی درخواست پر ایف آئی اے نے ملزمان کو گرفتار کیا اور ان کے خلاف مقدمہ الزام نمبر 24/2019 درج کرلیا گیا۔
