فاسٹ‌ باؤلر حسن علی کی پسلیوں‌ میں‌ فریکچر

لاہور: قومی کرکٹ ٹیم کے ‏فاسٹ باؤلر کی پسلیوں میں فریکچر کا انکشاف ہوا ہے جس کے بعد اُن کی کرکٹ میں واپسی مزید تاخیر کا شکار ہوگئی۔

ذرائع کے مطابق حسن علی کمر کے بعد پسلیوں کی تکلیف میں مبتلا ہو گئے جس کے بعد ان کی کرکٹ میں واپسی مزید تاخیر کا شکار ہو گئی، حسن علی ستمبر سے کمر کی تکلیف کا شکار ہیں اور اسی وجہ سے وہ سری لنکا کے خلاف ہوم سیریز اور دورہ آسٹریلیا کے لیے قومی ٹیم کے اسکواڈ میں شامل نہ ہو سکے۔

نیشنل کرکٹ اکیڈمی لاہور میں ری ہیب میں حصہ لیا جس کے بعد انہیں قائد اعظم ٹرافی میں سینٹرل پنجاب کی جانب سے کراچی میں نویں راونڈ کا میچ کھیلنے کی بھی اجازت دی گئی تاکہ میچ سے ان کی فٹنس کا اندازہ لگایا جا سکے۔ میچ سے قبل حسن علی نے پسلیوں میں تکلیف کے بارے میں بتایا جس کے بعد کراچی کے ایک اسپتال سے ان کا اسکین کرایا گیا، اسکین میں دائیں طرف پسلیوں میں تین جگہ سے ہئیر لائن فریکچر کا انکشاف ہوا ہے۔

اپنا تبصرہ بھیجیں: