اسلام آباد: معروف قانون دان اور پرویز مشرف کیس کے پراسکیوٹر اکرم شیخ کے گھر پرمسلح افراد علی الصباح داخل ہوئے جنہوں نے اہل خانہ کو دو گھنٹے تک یرغمال بنائے رکھا، گھر کی تلاشی لی اور لاکھوں روپے لوٹ کر فرار ہوتے ہوئے ’باز آجا‘ کی تاکید کر کے چلے گئے۔
سینئر صحافی حامد میر نے سماجی رابطے کی ویب سائٹ پر ٹویٹ کے ذریعے خبر شیئر کی اور بتایا کہ ’نامعلوم مسلح افراد علی الصباح سینئر وکیل اکرم شیخ کے گھر میں داخل ہوئے اور انہوں نے دو گھنٹے تک قانون دان سمیت پورے اہل خانہ کو گن پوائنٹ پر یرغمال بنایا، اس دوران انہوں نے گھر میں موجود تمام کاغذات کی تلاشی لی اور پھر کچھ رقم لے کر فرار ہوگئے۔
حامد میر کے مطابق انہیں اکرم شیخ نے بتایا کہ ’نامعلوم افراد جاتے ہوئے ’باز نہ آئے تو پھر آئیں گے‘ دھمکی دے کر روانہ ہوئے اور تاکید کی کہ مقدمہ درج نہ کرانا‘۔ اس واقعے کے بعد اکرم شیخ تیار ہوئے اور چیف جسٹس کی حلف براداری میں شرکت کے لیے ایوانِ صدر چلے گئے جہاں انہوں نے آئی جی اسلام آباد کو واقعے کی اطلاع دی اور پورے معاملے سے آگاہ کیا‘۔
حامد میر نے مزید لکھا کہ “اکرم شیخ کو آئین سے غداری کیس میں پراسیکیوٹر بننے کے بعد مسلسل دھمکیوں کا سامنا تھا انکی اہلیہ مرحومہ کو بھی دھمکیاں دی گئیں ان کے فوت ہونے کے بعد دیگر اہل خانہ کو دھمکیاں دی گئیں تو اکرم شیخ اس کیس سے علیحدہ ہو گئے اب فیصلہ آنے کے 24 گھنٹے کے اندر نامعلوم افراد گھر میں گھس گئے”۔
دوسری جانب سوشل میڈیا صارف نے ایک ویڈیو شیئر کی جس میں معروف صحافی مطیع اللہ جان اکرم شیخ سے گفتگو کررہے تھے اور اس گفتگو میں معروف قانون دان نے بتایا کہ پاکستان میں ججز، وکلا کو ہراساں کیا جارہا ہے، میں اس کے خلاف اقوام متحدہ جاؤں گا۔
اکرم شیخ کو اسکی سزا مل رہی ہے.اللہ تعالی اپنے حفظ و امان میں رکھے pic.twitter.com/MedOmNNerS
— Irfan Khan Irfan (@JanTalaj) December 21, 2019
بی بی سی سے وابستہ رہنے والے نامور صحافی اور صدا کار شفیع نقی جامعی نے واقعے پر افسوس کا اظہار کرتے ہوئے لکھا کہ ’چوری چکاری ، لوٹ مار اور پھر دندناتے ، دھمکیاں دے کر جانے والی اس واردات میں بیشتر سے زیادہ نشانیاں بتا رہی ہیں کہ یہ حرکت بہت ہی بڑے چوروں کی ہے جو ، اب ، سینہ تانے ، غنڈہ گردی پر اُتر آے ہیں‘ ! نئے چیف جسٹس کو ، اس ٹولے سے سب سے پہلے اور ترجیحی بنیاد پر نمٹنا ہوگا‘
چوری چکاری ، لوٹ مار اور پھر دندناتے ، دھمکیاں دے کر جانے والی اس واردات میں بیشتر سے زیادہ نشانیاں بتا رہی ہیں کہ یہ حرکت بہت ہی بڑے چوروں کی ہے جو ، اب ، سینہ تانے ، غنڈہ گردی پر اُتر آے ہیں !
نئے چیف جسٹس کو ، اس ٹولے سے سب سے پہلے اور ترجیحی بنیاد پر نمٹنا ہوگا https://t.co/BdRYCBw9Dy
— Shafi Naqi Jamie (@ShafiNaqiJamie) December 21, 2019
