کراچی: چیئرمین پیپلزپارٹی بلاول بھٹو زرداری کی ایم کیوایم کو پیشکش میں بڑی پیشرفت ہوئی ہے،پیپلزپارٹی کا ایم کیوایم پاکستان سے براہ راست مذاکرات کا فیصلہ کیا، پیپلزپارٹی کا وفد جلد ایم کیوایم کے مرکز بہادرآباد کا دورہ کرے گا۔
پیپلزپارٹی سندھ میں نیا بلدیاتی ایکٹ لانے کو تیارہے،پیپلزپارٹی کی قیادت نے مسلسل مذاکراتی عمل شروع کرنے کی ہدایت کر دی، ذرائع پیپلزپارٹی کاکہنا ہے کہ کراچی واٹر اینڈ سیوریج کو میئر کے ماتحت کرنے پر غور ہوسکتا ہے،مذاکرات میں آئینی،سیاسی اورانتظامی پیکیج پر بات ہوگی۔
ایم کیو ایم کا ایک دھڑا پی پی سے اتحاد اور صوبائی حکومت میں شمولیت کا خواہش مند ہے جبکہ متعدد اراکین کا ماننا ہے کہ وفاق میں شمولیت سے انہیں بڑا ریلیف ملے گا، یہ بھی امکان ظاہر کیا جارہا ہے کہ اگر ایم کیو ایم پی پی کی پیش کش کو قبول کرے گی تو کراچی میں آزادانہ سیاسی سرگرمیوں کی اجازت ہوگی‘۔
