چیئرمین ڈسٹرکٹ ایسٹ کا فرنٹ مین گرفتار، تعلق ایم کیو ایم لندن سے
کراچی: گلشن اقبال میں سیکیورٹی اداروں نے گزشتہ کارروائی کرتے ہوئے ایم کیو ایم لندن کے کارندے کو گرفتار کرلیا۔
ذرائع کے مطابق سیکیورٹی اداروں نے کراچی میں بدامنی، بھتہ خوری اور ملک دشمن سرگرمیوں میں ملوث عناصر کے خلاف کارروائیاں تیز کردی گئیں ہیں۔ گلشن اقبال بلاک تین میں ایک کارروائی کے دوران سیکیورٹی اداروں نے ایم کیو ایم لندن کے کارندے اظفر حسین کو گرفتار کرلیا۔
اظفر حسین پر دہشتگردی، بھتہ خوری اور ملک دشمن سرگرمیوں میں ملوث ہونے کا الزام ہے۔ حکام کے مطابق ملزم سے تفتیش شروع کردی گئی ہے۔ گرفتار اظفر حسین ڈی ایم سی ایسٹ کا ملازم بھی ہے۔
دوسری جانب یہ اطلاع بھی موصول ہوئی کہ اظفر حسین کرپشن میں ملوث تھا اور اسے ڈسٹرکٹ ایسٹ کے چیئرمین معید انور کا فرنٹ مین سمجھا جاتا ہے، اظفر حسین ایم کیو ایم گلشن اقبال یونٹ 68 کا پرانا کارکن بنتایا جارہا ہے، قانون نافذ کرنے والے اداروں نے اظفر کو گلشن اقبال بلاک تین میں واقع رہائش گاہ سے گرفتار کیا۔
ایم کیو ایم لندن کے خلاف کراچی اور سندھ کے مختلف علاقوں میں بڑے آپریشن کا آغاز
