ندیم نصرت پر حملہ، ڈاکٹر فاروق ستار کا اظہار تشویش
کراچی: ایم کیو ایم تنظیم بحالی کمیٹی کے سربراہ ڈاکٹر فاروق ستار نے ندیم نصرت پر ہونے والے حملے کی شدید الفاظ میں مذمت کرتے ہوئے امریکا سے تحقیقات کرنے کا مطالبہ کردیا۔
ڈاکٹر فاروق ستار نے ایم کیو ایم کے سابق رہنما اور کنونیئر ندیم نصرت پر امریکا میں ہونے والے حملے پر تشویش کا اظہار کرتے ہوئے کہا کہ ’سیاسی اختلافاقت اپنی جگہ مگر وہ تحریکی ساتھی کی حیثیت سے ہمارے ساتھ کام کرتے رہے ہیں، امریکا جیسے ملک میں فائرنگ سے قاتلانہ حملہ افسوسناک ہے‘۔
انہوں نے ندیم نصرت کی جلد صحت یابی اور تندرستی کی دعا کرتے ہوئے امریکی حکومت سے واقعے کی مکمل تحقیقات کرنے کا مطالبہ کیا۔ اُن کا کہنا تھا کہ ’امریکا اور پاکستان کے حکامِ بالا سے درخواست ہے وہ اس واقعے کی تحقیقات کروائیں تاکہ مجرمان کو گرفتار کیا جاسکے‘۔
