دبئی واپسی کے بعد فاروق ستار کی پہلی بڑی سیاسی کامیابی، سابق صدرکا ساتھ دینے کا اعلان
کراچی： ایم کیو ایم تنظیم بحالی کمیٹی کے سربراہ ڈاکٹر فاروق ستار کی دبئی سے کراچی واپسی کے بعد انہیں بڑی سیاسی کامیابی حاصل ہوئی ہے۔
عشرت العباد سے ملاقات اورمستقبل کے حوالے سے طے کردہ لائحہ عمل کے بعد فاروق ستار نے سب سے پہلے مرکزی کمیٹی کو اعتماد میں لیا اور پالیسی کے تحت نئے عزم کے ساتھ کام تیز کرنے کی ہدایت کی۔
ایک روز قبل ڈاکٹر فاروق ستار کی رہائش گاہ پر پاک سر زمین پارٹی مختلف اضلاع کے درجن بھر کارکنان پہنچے۔ جنہوں نے فاروق ستار پر اعتماد کا اظہار کیا اور آئندہ مل کر چلنے کی یقین دہانی کرائی۔
پاک سرزمین پارٹی گارڈن ٹاؤن ڈسٹرکٹ ساؤتھ کے سابقہ ٹاؤن صدر، ٹاؤن مِمبر شیخ عبدالسمیع ، موجودہ یوسی 18/A کے جوائنٹ صدر ارسلان عباسی، سابقہ یوسی مِمبر سلطان میر، ایوب ودیگر کارکنان نے تنظیم بحالی میں شمولیت اختیار کی۔
