ممبئی : بالی ووڈ کنگ شاہ رخ خان بھی اسٹار فٹبالر میسی کے مداح نکلے ۔
اپنے آفیشل ٹوئٹر اکاؤنٹ پر بالی ووڈ اداکار شاہ رخ خان نے 15 منٹ تک مداحوں کے ساتھ بات چیت کی اور ان کے سوالات کے جوابات دیے۔
شاہ رخ خان نے سوالات لینے کے لئے مخصوص ہیش ٹیگ کا استعمال کیا جو دیکھتے ہی دیکھتے ٹاپ ٹرینڈ بن گیا۔سوال و جواب کے دوران فیفا ورلڈ کپ فائنل کے موقع پر ایک مداح نے کنگ خان سے سوال کیا کہ ان کے پسنیدیدہ کھلاڑی فرانس کے امباپے ہیں یا ارجنٹائن کے لیجنڈری فٹ بالر لیونل میسی جس پر شاہ رخ خان نے جواب دا کہ وہ لیونل میسی کے دیوانے ہیں۔
