کراچی: انسداد دہشتگردی کی خصوصی عدالت نے سانحہ چکرا گوٹھ کے مقدمے میں آئندہ سماعت پر ملزمان کے وکلا کو بہر صورت پیش ہونے کا حکم دیدیا۔
کراچی سینٹرل جیل میں انسداد دہشتگری کمپلیکس میں خصوصی عدالت کے روبرو سانحہ چکرا گوٹھ کی سماعت ہوئی۔ استغاثہ کے آخری گواہ سابق تفتیشی افسر چوہدری منظور 9 ماہ بعد عدالت میں پیش ہوگئے۔ ملزمان کے وکلا کی عدم حاضری کے باعث سابق تفتیشی افسر کا بیان ریکارڈ نا ہوسکا۔
عدالت نے بہر وکلا کو آئندہ سماعت پر پیش ہونے کا حکم دیدیا۔ عدالت نے سابق تفتیشی افسر کے بیان ریکارڈ کرنے کے لئے 16 جنوری کی تاریخ مقرر کردی۔
مقدمے میں رئیس مما، اعجاز قادری عرف گورانی اور آصف اقبال شامل ہیں۔ ایم کیو ایم کے تنظیمی کمیٹی کے سابق انچارج حماد صدیقی سمیت 5 ملزمان کو اشتہاری قرار دیا جاچکا ہے۔
پولیس کے مطابق ملزم رئیس مما نے 2011 میں کورنگی میں اپنی دہشت اور اجارہ داری قائم رکھنے کیلیے چکرا گوٹھ میں پولیس وین پر حملہ کیا۔ فائرنگ سے ریزور پولیس کے 3اہلکار جاں بحق اوراہلکار سمیت 27 افراد زخمی ہوئے تھے۔
