کراچی ،لاہور: عید کی چھٹیاں ختم ہوتے ہی پردیسیوں کی واپسی کا سلسلہ شروع ہو گیا۔ راولپنڈی، پشاور اور لاہور سے کراچی و دیگر شہروں میں جانے والی ٹرینوں میں مسافروں کا غیر معمولی رش دیکھنے میں آیا۔
واضح رہے کہ عید کی چھٹیوں میں ریلوے کی طرف سے سپیشل ٹرینیں بھی چلائی گئیں تاہم عید کی چھٹیاں ختم ہونے پر پردیسیوں کی واپسی کا سلسلہ شروع ہو گیا۔
ٹرینوں میں رش بڑھ گیا جس کے پیش نظر ریلوے پو لیس کی طرف سے سکیورٹی کے خصوصی انتظامات کیے گئے ہیں اور پولیس اہلکاروں کو مشکوک افراد پر کڑی نظر رکھنے کی ہدایت بھی کی گئی ہے۔
