اسلام آباد:اسلام آباد کے سکیورٹی انتظامات بہتر ، غیر ملکی شہری آزادانہ نقل و حرکت کر سکتے ہیں، پاکستانی حکام نے غیر ملکی سفراء اور ڈپلومیٹس کو اسلام آباد میں سکیورٹی انتظامات پر مفصل بریفنگ دیدی‘‘۔
جمعہ کوملک کی موجود سیکیورٹی صورتحال کے معاملے پروزارت خارجہ میں سیکرٹری خارجہ، سیکرٹری داخلہ اور سکیورٹی حکام کی جانب سے میں 100 سے زائد غیر ملکی سفرا اور ڈپلومیٹس کو بریفنگ دی گئی۔
پاکستانی حکام کی جانب سے بریفنگ میں بتایا گیا کہ اسلام آباد کے سکیورٹی انتظامات بہتر ہیں، غیر ملکی شہری آزادانہ نقل و حرکت کر سکتے ہیں،حکام کی جانب سے مختلف سفرا کے سوالات کے جوابات بھی دیئے گئے،ساتھ ہی سیکٹر آئی ٹین دھماکے میں تحقیقات کی پیش رفت سے بھی آگاہ کیا، سفارتکاروں نے بریفنگ کو تسلی بخش قرار دیدیا۔
اس موقع پر آئی جی اسلام آباد ناصر اکبر خان نے بھی سکیورٹی صورتحال سے آگاہ کیا۔
