کراچی : وزارت تجارت نے افغانستان کے ساتھ پاکستانی روپے میں کی جانے والی درآمدات کی مدت میں 45 یوم کی توسیع کردی ہے جو 31دسمبر 2022 کو ختم ہوگئی تھی ، افغان حکومت نے پاکستان کے فیصلے کا خیر مقدم کیاہے ۔
وزارت تجارت کی جانب سے درآمدات کی مدت میں توسیع کا باقاعدہ نوٹیفکیشن بھی جاری کردیا ہے۔
نوٹیفکیشن کے مطابق وزارت تجارت کی جانب سے افغانستان کے ساتھ کی جانے والی بارٹر ٹریڈ کا ایک میکانزم تیار کیا جارہا ہے اور اس میکینزم کی تیاری میں ابھی کچھ وقت درکار ہے۔اب افغانستان کے ساتھ کی جانے والی درآمدات پر الیکٹرانک امپورٹ فارم (آئی فارم)کی چھوٹ میں اضافہ کردیا گیا ہے۔
