واشنگٹن:والٹر کننگھم جس نے اپالو 7 میں خلاباز کے طور پر خلا میں قدم رکھا وہ 90 سال کی عمر میں انتقال کر گئے۔ناسا کے ایڈمنسٹریٹر بل نیلسن نے ایک بیان میں کہا کہ والٹر کننگھم ایک فائٹر پائلٹ، ماہر طبیعیات اور ایک کاروباری شخصیت تھے لیکن سب سے بڑھ کر وہ ایک ایکسپلورر تھے۔ ناسا کے عہدیداران نے ان کی وفات پر گہرے رنج و غم کا اظہار کرتے ہوئے انہیں امریکی ہیرو قرار دیا۔
والٹر کننگھم اپالو پروگرام 7 کا حصہ تھے جنہوں نے 1968 میں خلا میں 11 دن کا کامیاب مشن کیا اور انہیں خلا سے ٹی وی پر براہ راست نشریات پر ایمی ایوارڈز سے بھی نوازا گیا۔
والٹر کننگھم نے ایک سال سے بھی کم عرصے میں اپالو 11 کے چاند پر اترنے کی راہ ہموار کی ۔فیملی کی جانب سے کہا گیا ہے کہ وہ ہسپتال میں طبعی موت مرے ہیں۔
