اسلام آباد: ملکی برآمدات کو بڑھانے کا مشن،وفاقی حکومت نے ملکی برآمدات میں اضافے کیلئے کمیٹی تشکیل دے دی۔
وزیراعظم شہباز شریف نے وفاقی وزیر تجارت نوید قمر کی سربراہی میں ملکی برآمدات میں اضافے کیلئے کمیٹی تشکیل دے دی ہے،کمیٹی میں گورنر اسٹیٹ بینک،سیکرٹری تجارت اور سیکرٹری خزانہ کو بھی شامل کیا گیا ہے۔
برآمدات میں اضافے کیلئے کمیٹی سے 14 روز میں سفارشات طلب کی گئی ہیں۔رواں مالی سال جولائی سے دسمبر تک برآمدات میں 5 اعشاریہ 79 فیصد کمی ہوئی،دسمبر میں سالانہ بنیادوں پر 16 اعشاریہ 64 فیصد کمی ریکارڈ کی گئی جبکہ دسمبر میں ماہانہ بنیادوں پر برآمدات میں 3 اعشاریہ 64 فیصد کم ہوئی۔ ادارہ شماریات کے مطابق گزشتہ مالی سال جولائی تا دسمبر 15 ارب 12 کروڑ ڈالر سے زائد کی برآمدات ہوئیں۔ رواں مالی سال کے چھ ماہ میں 14 ارب 24 کروڑ ڈالر کی برآمدات ریکارڈ کی گئیں ہیں۔
