کراچی: ڈسٹرکٹ ایڈمنسٹریشن کیماڑی اور ایل ڈی اے کےمحکمہ اینٹی انکروچمنٹ کاہاکس بے اسکیم 42 میں قبضہ مافیاکےخلاف آپریشن، ہیوی مشینری کےذریعےاسکیم 42 کے سیکٹر 16 میں غیرقانونی تعمیرات مسمارکردی گئیں، ایل ڈی اے کی 70 ایکڑ سےزائدسرکاری زمین پر قبضہ مافیانےغیرقانونی باؤنڈری وال بنائی ہوئی تھی۔
سرکاری زمین سال 2000 سےقرعہ اندازی کے ذریعے شہریوں کو الاٹ کی گئی تھی، آپریشن مزید 2 دن تک جاری رہے گا،تفصیلات کےمطابق ایل ڈی اے کےمحکمہ اینٹی انکروچمنٹ نے گزشتہ روزاسکیم 42 کےسیکٹر 16 میں قبضہ مافیاکی غیرقانونی تعمیرات مسمارکرنےکے لئے بھاری مشینری کےذریعے آپریشن کرکےغیرقانونی تعمیرات مسمارکردی ہیں، 70 ایکڑ سےزائدکروڑوں روپےمالیت کی سرکاری زمین سال 2000 کے بعدقرعہ اندازی کےذریعےشہریوں کو الاٹ کی گئی تھی۔
مذکورہ سرکاری زمین پرقبضےکےحوالےسے ڈی جی ایل ڈی اے نے ڈپٹی کمشنرکیماڑی کوخط لکھا تھا جس پرڈپٹی کمشنرکیماڑی نے 4 جنوری کومیٹنگ میں سرکاری زمین کو واگزارکروانےکے لئےکمیٹی بنائی تھی، 6 جنوری کو کمیٹی کی طرف سےرپورٹ پیش کی گئی کہ ایل ڈی اے اسکیم 42 کے سیکٹر 16 میں 70 ایکڑ سےزائدزمین پر قبضہ ہے۔
رپورٹ کی روشنی میں ڈپٹی کمشنر کیماڑی نے 10 سے 12 جنوری کو سب ڈویژن ماڑی پورمیں قبضہ مافیا کےخلاف آپریشن کے احکامات جاری کئےگئے تھے قبضہ مافیاکےخلاف آپریشن تین دن تک جاری رہے گا ،آپریشن میں مختیارکار، اینٹی انکروچمنٹ کاعملہ ، پولیس اور رینجرزاہلکارحصہ لیا۔
